بہت خوبصورت ہو تم - طاہر فراز

بہت خوبصورت ہو تم بہت خوبصورت ہو تم

کبھی میں جو کہہ دوں محبت ہے تم سے

تو مجھ کو خدا را غلط مت سمجھنا

کہ میری ضرورت ہو تم بہت خوبصورت ہو تم

ہیں پھولوں کی ڈالی پہ بانہیں تمہاری

ہیں خاموش جادو نگاہیں تمہاری

جو کانٹے ہوں سب اپنے دامن میں رکھ لوں

سجاؤں میں کلیوں سے راہیں تمہاری

نظر سے زمانے کی خود کو بچانا

کسی اور سے دیکھو دل مت لگانا

کہ میری امانت ہو تم

بہت خوبصورت ہو تم

ہے چہرا تمہارا کہ دن ہے سنہرا

ہے چہرا تمہارا کہ دن ہے سنہرا

اور اس پر یہ کالی گھٹاؤں کا پہرا

گلابوں سے نازک مہکتا بدن ہے

یہ لب ہیں تمہارے کہ کھلتا چمن ہے

بکھیرو جو زلفیں تو شرمائے بادل

فرشتے بھی دیکھیں تو ہو جائیں پاگل

وہ پاکیزہ مورت ہو تم بہت خوبصورت ہو تم

جو بن کے کلی مسکراتی ہے اکثر

شب ہجر میں جو رلاتی ہے اکثر

جو لمحوں ہی لمحوں میں دنیا بدل دے

جو شاعر کو دے جائے پہلو غزل کے

چھپانا جو چاہیں چھپائی نہ جائے

بھلانا جو چاہیں بھلائی نہ جائے

وہ پہلی محبت ہو تم بہت خوبصورت ہو تم

طاہر فراز

Tahir Fraz Bhut khubsurat ho tum 

Sad Urdu Poetry which is depressing, unhappy and sorrowful. Sad poetry is loved by people who are depressed and heart-broken. Reading and Writing Urdu sad poetry is a nice way to express your sad feelings to the world. There are lots of famous poets who were known for their sad poetry, but there are lots of couplets and poems out there which are very good but their authors are not known. We will try to upload all of the sad poetry whether their authors are known or not known،