Perveen Shakir Chalne ka howsla nahi

چلنے کا حوصلہ نہیں رکنا محال کر دیا

عشق کے اس سفر نے تو مجھ کو نڈھال کردیا

ملتے ہوئے دلوں کے بیچ اور تھا فیصلہ کوئی

اس نے مگر بچھڑتے وقت اور سوال کردیا

اے میری گل زمیں تجھے چاہ تھی اک کتاب کی

اہل کتاب نے مگر کیا تیرا حال کردیا

اب کے ہوا کے ساتھ ہے دامن یار منتظر

بانوے شب کے ہاتھ پر رکھنا سنبھال کر دیا

ممکنہ فیصلوں میں ایک ہجر کا فیصلہ بھی تھا

ہم نے تو ایک بات کی اس نے کمال کردیا

میرے لبوں پہ مہر تھی پر میرے شیشہ رو نے تو

شہر کے شہر کو میرا واقف حال کردیا

چہرہ و نام ایک ساتھ اج نہ یاد آسکے

وقت نے کس شبیہہ کو خواب و خیال کردیا

مدتو بعد اس نے آج اس نے کوئی گلہ کیا

منصبِ دلبری پہ کیا مجھ کو بحال کردیا

پروین شاکر

Perveen Shakir 

Chalne ka howsla nahi, rukna muhal ker dia