کسی کی آنکھ سے
سپنے چُرا کر کچھ نہیں ملتا
منڈیروں سے چراغوں کو بُجھا کر کچھ نہیں ملتا
ہماری سوچ کی پرواز
کو روکے نہیں کوئی
نئے افلاک پر پہرے بٹھا کر کچھ نہیں ملتا
کوئی اک آدھ سپنا
ہو تو پھر اچھا بھی لگتا ہے
ہزاروں خواب آنکھوں میں سجا کر کچھ نہیں ملتا
سکوں اُن کو نہیں
ملتا کبھی پردیس جا کر بھی
جنہیں اپنے وطن سے دل لگا کر کچھ نہیں ملتا
اُسے کہنا کہ پلکوں
پر نہ ٹانکے خواب کی جھالر
سمندر کے کنارے گھر بنا کر کچھ نہیں ملتا
اچھا ہے کہ آپس کے
بھرم نہ ٹوٹنے پائیں
کبھی بھی دوستوں کو آزما کر کچھ نہیں ملتا
نجانے کون سے جذبے
کی یوں تسکین کرتا ہوں
بظاہر تو تمہارے خط جلا کر کچھ نہیں ملتا
فقط تم سے ہی کرتا
ہوں میں ساری راز کی باتیں
ہر اک کو داستانِ دل سنا کر کچھ نہیں ملتا
عمل کی سوکھتی رگ
میں ذرا سا خون شامل کر
مرے ہمدم فقط باتیں بنا کر کچھ نہیں ملتا
اسے میں پیار کرتا
ہوں تو مجھ کو چین آتا ہے
وہ کہتا ہے اُسے مجھ کو ستا کر کچھ نہیں ملتا
مجھے اکثر ستاروں سے
یہی آواز آتی ہے
کسی کے ہجر میں نیندیں گنوا کر کچھ نہیں ملتا
جگر ہوجائے گا
چھلنی، یہ آنکھیں خون روئیں گی
وصی بےفیض لوگوں سے نبھا کر کچھ نہیں ملتا
۔۔۔۔
وصی شاہ
Poet: Wasi Shah
Kisi Ki Aankh Se Sapne Chura Kar Kuch Nahi Milta
Munderon Se Chiraghon Ko Bojha Kar Kuch Nahi Milta
Hamari Soch Ki Parwaz Ko Roke Nahi Koi
Nae Aflaq Pe Pehrey Bitha Kar Kuch Nahi Milata
Koi Ek Aadh Sapna Ho To Phir Acha Bhi Lagta Hai
Hazaro Khawab Aankhon Mein Saja Kar Kuch Nahi Milta
Sakon Un Ko Nahi Milta Kabhi Pardes Ja Kar Bhi
Jinhen Apne Watan Se Dil Laga Kar Kuch Nahi Milta
Use Kehna Ke Palkon Per Na Tanke Khawbon Ki Jhalar
Samandar Ke Kinare Ghar Bana Ker Kuch Nahi Milta
Ye Acha Hai Ke Aapas Ke Bharam Na Tootane Paien
Kabhi Bhi Doston Ko Azamaa Kar Kuch Nahi Milta
Na Jane Koun Se Jazabe Ki Yon Taskeen Karta Hon
Bazahir To Tumhare Khat Jala Kar Kuch Nahi Milta
Faqat Tum Se Hi Karta Hon Main Sari Raaz Ki Batain
Har Ek Ko Dastan-E-Dil Suna Kar Kuch Nahi Milta
Amal Ki Sokhti Rag Mein Zara Sa Khoon Shamil Kar
Mare Hamdam Faqat Baten Bana Kar Kuch Nahi Milta
Use Main Pyar Karta Hon To Mujh Ko Chain Ata Hai
Wo Kehata Hai Use Mujh Ko Sata Kar Kuch Nahi Milta
Mujhe Aksar Sitaron Se Yahi Awaaz Aati Hai
Kisi Ke Hijr Mein Nendein Ganwaa Kar Kuch Nahi Milta
Jigar Ho Jaye Ga Chalni Ye Ankhein Khoon Roen Gi
Wasi Be-Faiz Logon Se Nibha Kar Kuch Nahi Milta
| 
