Thursday, 13 August 2015

Click For Best Ghazal Of Perveen Shakir

Ku-ba-ku phail gayi baat shanasayi ki
Ku-ba-ku phail gai bat shanasai ki,
Us ne khushbu ki tarah meri pazirayi ki,

Kaise kah dun k mujhe chor diya hai us ne,
Bat to sach hai magar bat hai ruswayi ki,

Wo kahin bhi gaya lauta to mere pas aya,
Bas yahi bat hai achi mere harjai ki,

Tera pahlu tere dil ki tarah abad rahe,
Tujh pe guzre na qayamat shab-e-tanhai ki,

Us ne jalti hui peshani pe jo hath rakha,
Rooh tak aa gayi tasir masihayi ki..