اپنی تنہائی مرے نام پہ آباد کرے - پروین شاکر

اپنی تنہائی مرے نام پہ آباد کرے

کون ہوگا جو مجھے اس کی طرح یاد کرے

دل عجب شہر کہ جس پر بھی کھلا در اس کا

وہ مسافر اسے ہر سمت سے برباد کرے

اپنے قاتل کی ذہانت سے پریشان ہوں میں

روز اک موت نئے طرز کی ایجاد کرے

اتنا حیراں ہو مری بے طلبی کے آگے

وا قفس میں کوئی در خود مرا صیاد کرے

سلب بینائی کے احکام ملے ہیں جو کبھی

روشنی چھونے کی خواہش کوئی شب زاد کرے

سوچ رکھنا بھی جرائم میں ہے شامل اب تو

وہی معصوم ہے ہر بات پہ جو صاد کرے

جب لہو بول پڑے اس کے گواہوں کے خلاف

قاضئ شہر کچھ اس باب میں ارشاد کرے

اس کی مٹھی میں بہت روز رہا میرا وجود

میرے ساحر سے کہو اب مجھے آزاد کرے

پروین شاکر

Parveen Shakir

Apni tanhayi mere naam pe abaad kare,

Kaun ho ga jo mujhe uss ki tarah yaad kare,

Dil ajab sheher ke jis pr bhi khula dar us ka,
Woh musaafir isse har samt se barbaad kare,

Apne qaatil ki zehaanat se pareshaan hoon main,
Roz ik maut naye tarzz ki ijaad kare,

Itna hairaan ho meri be-talabbi ke aagey,
Waa qaffass main koi dar khud mera sayaad kare,

Salb-e-binaayi ke ehkaam mile hain jo kabhi,
Roshni chhuune ki khawhish koi shab-zaad kare,

Soch rakhnaa bhi jaraayem main hai shaamil ab to,
Wohi maasoom hai har baat pe jo saad kare,

Jab lahuu bol parre us ke gavaahon ke khilaaf,
Qaazi-e-sheher kuch is baab main irshaad kare,

Uss ki muthi main bohat roz raha mera wajood,
Mere saahir se kaho ab mujhe aazaad kare..